Skip to main content
All Posts By

bjarki

Iðnver og Huber undirrita samning

By Fréttir

Iðnver ehf. hefur gert samning við þýska fyrirtækið Huber Technology um að gerast umboðsaðili fyrir þýska fyrirtækið á Íslandi. Huber sérhæfir sig í nýsköpun og tækninýjungum fyrir skólp og iðnaðarskólp en þetta er í fyrsta skipti sem vörur fyrirtækisins verða til sölu á Íslandi.

„Ég er mjög ánægður með að við höfum náð þessum stóra samningi við Huber sem hefur verið tvö ár í vinnslu. Huber er gamalgróið og þekkt fyrirtæki í þessum geira. Þetta er mikið traust sem okkur er sýnt frá svo stóru og virtu fyrirtæki. Huber hefur aldrei verið með vörur sínar til sölu á Íslandi áður og því eru þetta ákveðin tímamót og raunar stórar fréttir fyrir íslenska markaðinn í mínum huga,“ segir Pétur Blöndal, framkvæmdastjóri og eigandi Iðnver. Kemur þetta fram í tilkynningu.

„Við finnum strax fyrir miklum áhuga og eftirspurn frá íslenskum fyrirtækjum á vörum frá Huber. Það kemur raunar ekki á óvart enda er þetta byltingarkenndur tæknibúnaður og vörur sem fyrirtækið er að bjóða upp á í tengslum við skólp og allt sem því viðkemur.“

Mikil verðmæti sparast í hringrásarkerfinu

Pétur segir það stórt skref að geta nú boðið upp á vörur Huber fyrir iðnfyrirtæki og einnig sveitafélög frá þessu þekkta þýska fyrirtæki. „Þetta eru stórar fréttir fyrir iðnaðinn í heild sinni því tæknibúnaðurinn frá Huber getur t.d tekið prótein úr iðnaðarvatni, frárennsli frá t.d fiskiðnaði og komið því í bræðslu. Það sparast tugir rúmmetra á dag sem hægt er að endurnýta sem annars hefðu farið til spillis. Það eru því mikil verðmæti sem sparast í þessu hringrásarkerfi. Þetta er gríðarlega mikilvæg tækni og búnaður fyrir allan mengandi iðnað. Framundan er mikil endurskoðun á mengandi iðnaði og úrgangi frá honum. Við Íslendingar erum aftarlega á merinni hvað þetta varðar miðað við flest Evrópulönd og það er ljóst að það verða miklar breytingar á næstu árum hér á landi.“

Arctic Fish fær búnað fyrir starfsmannaaðstöðu sína

By Fréttir

Arctic Fish fær afhentan allan búnað fyrir starfsmannaaðstöðu nýja laxasláturhússins í Bolungarvík.

Við unnum mjög náið með þeim í því að velja réttan búnað fyrir hvert rými til að gæta ýtrasta hreinlætis starfsmanna.
Þeir völdu svo sannarlega rétt því þetta er einungis hágæða búnaður frá Kohlhoff og NTF Aalborg.

Við hlökkum til þess að sjá þegar allt verður komið á fullt hjá þeim fyrir vestan.

Arctic Fish fær afhent þvottakerfi frá System Cleaners

By Fréttir

Í dag sendum við frá okkur þvottakerfi fyrir nýja laxasláturhúsið hjá Arctic Fish í Bolungarvík.

Okkar menn eru nú á staðnum að undirbúa uppsetningu ásamt sérfræðingum frá System Cleaners. Þetta er stórt og krefjandi verkefni sem við erum virkilega stoltir að taka þátt í.

Við óskum Arctic Fish til hamingju með þessi kaup og hlökkum til frekari samstarfs í framtíðinni